Actualizose'l 15 payares de 2000 - Cabera tradución: 16 de marzu de 2001 - (si atopes dalgún tracamundiu n'esta tradución: miguel@artilanes.com).

Nota: Esta páxina foi escrita por Cari D. Burstein pa espresar los sentimientos nos que se basa la campaña Best Viewed With Any Browser (Vese Meyor Con Cualesquier Navegador). Si llegaste equí al traviés d'un enllaz nun sitiu de la rede col gráficu o el testu Best Viewed With Any Browser, ye que'l autor o autora d'esi sitiu ta d'alcuerdu cola campaña ya ta participando nel esfuerzu pa desalentar el diseñu de páxines específiques pa un navegador determináu. Echa-y un güeyu a la información d'embaxu ya mira ver si te prestaría participar.

«Cualquiera que mos dé un tenllerazu nuna páxina de la rede cola etiqueta 'esta páxina vese meyor col navegador X', parez estrañar los vieyos malos tiempos, enantes a la WWW, cuando unu tinía mui poques oportunidáes de lleer un documentu escritu n'otru ordenador, con otru procesador de testos o en otra rede».
  -- Tim Berners-Lee en Technology Review, xunetu de 1996.

Si llegaste a esta páxina, dexuru que quiés saber qué ye ésu de Best Viewed With Any Browser (Vese Meyor Con Cualesquier Navegador). Equí ta la mio esplicación: Faime mui infeliz l'actual enclín al diseñu de sitios orientaos a un navegador específicu, inorando a los demás. Moléstame abondu entrar nun sitiu de la rede ya ser rechazáu hasta que use'l navegador Netscape o Internet Explorer. Tamién ye molestu visitar sitios nos que pués usar cualesquier navegador, pero qu'empleguen etiquetes que solo son soportaes por dellos navegadores, o que nun tengan soporte pa navegadores de testu.

Prestaríame camudar esta tendencia. Sé de sobra que nun puéu cambiar la rede yo solu, pero cada granín cuenta, ya ésti ye'l mio votu por un World Wide Web non específicu pa un navegador ya independiente de la plataforma. Asina, el botón Best Viewed With Any Browser muestra'l mio enfotu de crear los mios sitios pa que seyan vistos por tolos navegadores ya que seyan funcionales del tou. Delles páxines van vese meyor nunos navegadores que n'otros, pero toes deberíen ser lleíbles por cualesquier navegador. Cuando pongo etiquetes específiques d'un navegador (marcos, Java, etc.), tamién pongo códigu alternativu pa los navegadores que nun soporten eses etiquetes.

Convido a tola xente que quiera xunise n'esti esfuerzu a que copie cualesquiera de los munchos gráficos fechos polos mozos y les moces que participen n'esta campaña que pués atopalos na páxina de Gráficos ya Eslóganes. Si quiés facer un gráficu nuevu pa la campaña ifáilo! (ya dime si quiés que té disponible pa'l restu la xente). Prestaríame qu'enllazaras el gráficu a esta páxina pa que tol mundiu sepa de qué va la campaña, o que faigas una paxinina rellacionada cola campaña, pero si nun quiés facelu tamién ta bien.

Equí tienes un exemplín de códigu HTML que pués usar (camudar lo que ta en MAYÜSCULA):

<p><a href="http://www.anybrowser.org/campaign/"><img src="http://EL_TO_SERVIDOR/GRAFICU.EXT" width="ANCHURA_EN_PUNTOS" height="ALTURA_EN_PUNTOS" alt="Viewable With Any Browser" /></a></p>

Nota: Báxate ún de los gráficos de la páxina Gráficos ya Eslóganes, cópialu nel to servidor ya camuda el códigu d'enriba col nome ya'l tamañu del gráficu qu'escoyite. NUN faigas que la to páxina coya'l gráficu direutamente del mio servidor porque la to páxina va cargase más despaciu, vas saturar el mio servidor ya si yo mudo los gráficos de sitiu na to páxina aparecerá el simbolín de "Nun se atopó'l gráficu".

Si nun quiés poner un gráficu nel to sitiu, pero prestaríate que la xente supiera que'l to sitiu trabaya con cualesquier navegador, lo que pués facer ye poner un enllaz de testu que diga daqué asina como "Optimizáu pa'l to navegador favoritu" o "Vese meyor con cualesquier navegador" (o lo que te pete). Taría bien qu'enllazaras esi testu a esta páxina o a una páxina fecha por ti na que la xente pueda atopar más información ya, si cuadra, entamen a diseñar les sos páxines pa cualesquier navegador. Pués visitar la páxina Gráficos ya Eslóganes ya echa-y un güeyu a los eslóganes que fixeren dellos/es collacios/es de la campaña.

Hai dos causes pa poner un gráficu o un testu nel to sitiu si fais que les tos páxines trabayen con cualesquier navegador:

  • Pa que les tos visites sepan del to esfuerzu por facer un sitiu visible por tol mundiu.
  • Pa animar a otra xente a que diseñen los sos sitios pa cualesquier navegador.

Fice una Guía pa'l Desarrollu de Sitios Acesibles na que vas atopar dellos conseyos pa que'l to sitiu na rede seya lo más acesible posible. Nun ye una guía de HTML, pero ayudarate a conocer los problemes d'acesu más comunes ya cómo arreglalos. Tamién pués visitar los sitios de la llista pa consiguir más información.

Si alcuentres dalgún sitiu non acesible ya prestaríate que'l so autor(a) ficiera daqué pa facelu visible por cualesquier navegador, diba ser perbonu manda-y un mensaxín. Hai exemplos n'esta páxina.

Prestaríame que te xunieras al nuesu enfotu por desincentivar el diseñu específicu ya protexer la llibertá de tolos/es usuarios/es de la rede.

Si tienes dalguna entruga, unvíamela.